Roze me Nahane ki Zarurat Pesh aa Jaye to ?

Roze me Nahane ki Zarurat Pesh aa Jaye to ?

1). ek shakhs soya huwa tha or use Ehtelam (mani nikalna) ho gaya to usse roza nhi tutta he.

-(Qazikhan Ala hamishil hindiyah:1/208)

2). Ek shakhs bedar tha, or

usne koi Aurat ya galat chiz dekhi ya bure khyalat aate rahe jisse uski mani nikal padi to usse b roza nhi tutta he.

-(Tahtawi:361)

3). Roze ki halat me Hath se mani nikali (maturbating) ya kisi chiz se ragad kr nikali to roza fasid ho jayega.

sirf qaza lazim hogi.

-(hindiyyah:1/205)

4). Roze ki halat me boso kinar (kiss) karne se roza nahi tutta he,

Lekin jawan log phir apni shahwat par qabu nhi rakh sakte he isliye hadith me mana farmaya he.

-(Kitabul fatawa:3/390)

5). Aurat ko chuwa ya Hath pakda ya chimat kr masti ki ya bosa leta raha jiski wajah se mani nikal aayi to roza Fasid ho jayega,

Sirf qaza wajib hogi.

-(Aalamgiri:1/204)

6). Mazi (mani nikalne se pehle jo chikna pani nikalta he,

jiske baad shahwat aur barh jati he) Nikalne se roza nhi tutta.

-(Ki.Fatawa:3/385)

7). Jaane bujhe Sohbat kar li to Roza tur jayega,

Qaza (Ek roza) or Kaffara (2 mahine k lagatar roze) dono lazim hoge.

-(Shami:2/394)

8). Miya biwi ne bhule se hum bistari kar li to roza fasid nahi hota he.

Lekin aisa aamtor pr nhi hota he.

-(hindiyyah:1/202)