Ramadan me Aurato ke Makhsus Masail

1). Majburi (hez,nifas) k dino me aurat ko roza rakhna jaiz nhi, baad me qaza rakhna farz he.

Namaz ki qaza nahi

-(hindiyyah:1/207)

2). Ramadan me roza rakhne k baad agar din me kisi waqt khun shuru ho jaye to usi waqt se roza khud hi khatam ho jayega.

-(aalamgiri:1/209)

(ab paak hone k baad kuch khana pina jaiz nhi, sham tak rozadaro ki tarah rehna wajib he.

Lekin ye din roze me shumar na hoga)

-[behishti zewar: 2/61]

3). Qaza sirf rozo ki hogi, namaz or taravih ki qaza nahi

-(badaius-sanaia:1/290)

4). Jo roze qaza ho jaye unko ek sath or alag alag rakhna dono tarah jaiz he.

-(al-fiqhul islami: 2/680)

5). Dawa wagera kha kar mahwari rok le or khun na aaye to roza rakhna jaiz he,

lekin dawa ka sehat par galat asar hota ho to jaiz nahi

-(aap k masail or unka hall: 4/570)

6). Istehaza yani bimari ka khun aata ho aisi aurat namaz bhi parhe or roza b rakhe.

Istehaza k ahkam ma’zur ki tarah he.

-(tafsil k liye dekhye:1/54.:2//61)

7). Aurat raat ko 10 din par paak huwi chahe aakhri waqt paak huwi k ek baar allahu akbar bhi na keh sake tab bhi roza wajib he ….

Or agar 10 din se kam par paak huwi or itna hi waqt baqi he k gusal kar sake to ab b roza wajib he,

lekin uske bawujud gusal nahi kiya to roza na tode balke roza rakh le or subah gusal kar le ….

Lekin agar gusal ka waqt jitna b time nahi he to roza jaiz nahi, lekin din me kuch khana pina b durust nhi

-(behishti zewar: 2/61)

8). Aurat ko roze me ehtelam ho gaya to roza nahi tuta

-(behishti zewar: 3/61)

9). Raat ko nahane ki zarurat huwi magar gusal nahi kiya tab bhi roza ho gaya,

agar din bhar b gusal na kare tab b roza nahi tutta, albatta uska gunah alag hoga.

-(Nurul izaah:141)

10). Roze me sharamgah k under koi chiz masalan dawa rakhne ya tapkane se roza tut jata he

-(ahsanul fatawa: 4/438)

11). Hamal wali aurat ko check up k doran doctor ya daya ne dastana pehan kar sharamgah me hath dala or

us par kisi b tarah ki koi tari he to usse roza fasid ho jayega warna nahi

-(fatawa of darul uloom deoband)

12). Kisi ne sharamgah me ungli dakhil ki phir nikalne k baad phir se dakhil ki to roza jata raha,

lekin ek baar nikalne k baad phir se nhi ki to roza nhi tuta.Haa pehli hi daf’aa tar ungli gusayi thi to pehli baar me hi roza tut gaya.

-(behishti zewar: 3/70)

13). Hamela aurat ka roza na rakhna jaiz he,

agar niyyat kar lene k baad hamal ka ilm huwa tab b roza tod dene jaiz he sirf qaza hogi

-(aalamgiri:2/33)

14). Dudh pilane wali aurat ko bache k nuksan ka andesha ho to roza na rakhna jaiz he.

-(fatawa darul uloom: 6/646)

niz usko bhi shadid nuqsan or taklif ka andesha ho to iftar kar sakti he.

-(aapke masail or unka hal:4/567)

15). Roze me lipstick lagana jaiz he, albatta munh k under jane ka ehtemal ho to makruh he.

-(ahsanul fatawa: 4/424)

Note:

agar mahwari jari ho or koi puche to talne k liye koi jumla keh de jaise k “G hamne b sahari ki thi.

Sharmo haya ke taqaze se

-(aap k masail or unka hall: 4/572)