Agar Giri Padi Chiz mil jaye to Uska hukam!

Agar Giri Padi Chiz mil jaye to Uska hukam!

Jawab:

Jo giri padi chiz mile, usko fiqh ki istilah me “Luqta” kehte he,

hamare yaha luqte ka hukam ye he ke jaha tak mumkin ho usko uske malik tak pahuchane ki koshish kare,

agar malik ka pata na chale to munasib waqt tak uska elaan or ishtehar kare (hadith me ek saal tak elaan karne ka hukam he, wo us zamane ke eatebar se tha) phir bhi malik na mile to jo shakhs mohtaj or sadqa ka mustahiq ho wo khud bhi istemal kar sakta he ya kisi aur mohtaj ko bhi de sakta he,

lekin jo shakhs aisa mohtaj or zarurat mand na ho, uske liye khud istemal karna jaiz nahi,

ya to apne paas Hifazat se rakhe or jab kabhi us saman ka malik mil jaye uske hawale kar de ya kisi aise shakhs ko sadqa kar de,

jiske liye zakat o sadqa ka lena durust ho; albataa sadqa karne ke baad agar asal malik nikal aaya to phir uska taawaan ada karna hoga, or sadqe ka sawab luqta uthane wale ko hoga.


  • -[Dekhye: hindiyah: 2/289,kitabul luqtah, Kitabul fatawa: 6/70)

24/07/2016 / Mufti Siraj Sidat Latkan

واللہ تعالیٰ اعلم